:: بالثلاثـه الالمــان يأكدون حجزهم لمدريـد .. البايـرن لنهائـي الابطــال

مباراة الحسم .. خطوه وحده وهوووبا .. نهائي الابطـال ! .. البايرن ضد ليون في ارضه ..
البايرن داخل ورجل وحده على النهائي .. باقي الرجل الثانيه وخلاص ! الظروف صعبه ! ..
صعوبة الظروف تكمن في الغيابات البافاريه الحتميه , الغيابات البافاري المتوقعه .. وارض الخصم! ..
ليون في ارضه هالسنه قوي , لكن البايرن هزمه في ارضه بالسنه الماضيه 3-2 ..
غير ان البايرن هالسنه ما يعاني مشكلة اللعب خارج ارضه .. بالعكس! وصوله لهالمرحله تم حسمه باراضي الخصم ! ..


الـبايرن ميونـخ الـعملاق ..


في ذهاب الاليانز ارينا .. قدر البايرن يتفوق نتيجه و لعب , سيطرة وخطوره ..
انتهت بـ هدف روبن , روبن بالابطال هو منقذ البايرن ! هو سلاح البايرن الاول والاقوى ..
متفوق على ريبري بشكل عام سواء بالابطال او بالبوندزليقا , روبن واحلى عام له في تاريخه الكروي ! ..

روبن ما كان نجم المباراه الوحيد رغم هدفه المهم جدًا للبافاري , الكابتن فيليب لام كان عنصر مهم بذيك المباراه ..
فيليب لام مسك الكابتنيه البافاريه لـ غياب الكابتن فان بومل بداعي الايقاف بالذهاب , وكان كابتن ماله مثيل بالفعل ! ..
فيليب لام كان قوة دفاعيه هجوميه بالظهير الايمن البافاري , حرث الشق الايمن حرف , تسكير دفاعي .. توغلات هجوميه !



مفاجأه حلوه شفناها بمباراة الذهاب .. اسمها اناتولي تيموتشوك ! الاوكراني المظلوم في بافاريا ,الاحتياطي باغلب الاوقات ! ..
فان قال يقول اناتولي لاعب كبير .. لكني ما احتاجه كثير بخطتي الاساسيه , لانه دفاعي بحت وانا خطتي هجوميه ! ..
وفعلا .. قدرات تيمو كـ محور دفاعي , ما نشوفه متخصص بصنع الهجمات, ماهو موزع الكور المتميز بوسط الملعب ..
لكنه متخصص بـ افتكاك الكرات من الخصم , التغطيه الدفاعيه الممتازه, افاد البايرن كثير من هالناحيه في الذهاب ..
وكان احد نجوم المباراه , لعب شوط كامل .. ادى فيه دور قوي بالمحور الدفاعي , ظروف المباراه عطته الفرصه بالظهور !


باستيان شفاينيشتايقر , بكل بساطه هو و روبن بـ التشكيله المفضله لـ الجوله السابقه بالابطال , كان ملك الوسط البافاري ..
توزيع كرات , ضغط على الخصم .. تشوفه بكل انحاء الملعب ! بـ خروج ريبري بالكرت الاحمر شفناه يخترق بالجناح الهجومي الايسر ! ..
باستيان مثل مانعرف اصلا كان لاعب جناح ايسر بالبافاري , ولاعب جناح ايمن بالمانشافت , وشفنا هالشي باليورو و المونديال السابق ..
لاعب جوكر .. يعطيك احلى شغل في اكثر من مكان , قدرات دفاعيه ممتازه .. يغطي مراكز الدفاع اللي مسويه ثغرات ويرقع للدفاع البافاري كثير ..
يوزع كرات هجوميه , يشوت , يتوغل بالعمق شوي , يحرك الكوره يمين يسار ... يصنع كرات طويله مهمه لـ قدام ..
كان عنصر اساسي بـ فوز البافاري بـ الذهاب السابق على ليون , ومن اهم عناصر المباراه كـ كل ..



بشكل عام .. البافاري اكل الجو على ليون في الاليانز ارينا , رغم الطرد المبكر لـ ريبري "غير الصحيح بـ رايي وراي فان قال وبعض اداريي ولاعبي البايرن " ..
الا ان ليون ماكان قادر على استغلال هالنقص العددي في صفوف البايرن , وهذا امر غريب جدًا من المدرب الليوني اللي ماقدر يوجه فريقه للتقدم الهجومي ضد البايرن واستغلال النقص ..
حتى ان لوبيز .. لاعب ليون , انتقد استراتيجية مدربه الدفاعيه بالذهاب , وقال ان المفروض الفريق يهجم ويستغل النقص , وكان المفروض من المدرب ينبه ليون على هالنقطه بين الشوطين .. لكن هالشي ما صار ! ..



شفنا ليون متكتل في منطقة الـ 18 حقته , شفنا البايرن يتدرب مناولات بين لاعبينه , شفنا ديميكلس وفان بوتن يتقدمون بصوره كبيره ويطلعون من النص البافاري لـ عدم وجود اي خطوره ليونيه بالامام ! ..
هالشي خلى السيطرة البافاريه بالمباراه شبه كامله , البافاري حاول يتوغل من العمق , حاول يتوغل من الاطراف , بس ليون مسكر صح ! مع ان البايرن ضيع كثير اهداف محققه امام المرمى من توغلات هجوميه ! ..



شفنا التوغل الرائع من لام , عدا من كم لاعب .. وقدر يناولها بشكل جميل جدًا لـ مولر الجاهز قدام المرمى .. لكن خبرة مولر خانته في استقبال الكوره بشكل جيد .. وضاع هدف محقق للبافاري ! ..
شفنا الرفعه الحلوه لـ قوميز امام المرمى .. من دون اي مضايقه من دفاع ليون , لكن بشكل غريب طعنها بشكل ضعيف جدًا براسه لـ ايدي الحارس الفرنسي , وضيع هدف شبه محقق للبافاري .. هدف كان ممكن انه يفك السبحه الليونيه ويخلي المباراه تنفتح اكثر ! ..
شفنا برضو في بداية المباراه فرصة اوليتش الضائعه امام المرمى , شاتها بكل رعونه يمين المرمى .. بشكل غريب جدًا ! من دون ادنى مضايقه دفاعيه ليونيه , وكانت هذي اخطر فرص البايرن ..


ظروف المباراه من بدايتها كانت "نظريًا" صعبه على البافاري, الطرد غير المستحق لـ ريبري .. اضعف جدًا من القوة الهجوميه للبافاري ..
كان من المعتقد ان ليون بـ يضغط اكثر على البايرن ويستفيد من الطرد .. لكن غرابة التكتل الفرنسي كانت اقوى من التوقعات ! ..
خروج تولالان بالكرت الاصفر الثاني وطرده من المباراه اعطى لـ البايرن دفعه معنويه قويه اكبر , وصعب المهمه اكثر على ليون اللي اوريدي متراجع ! ..



كونتنتو .. الظهير الايسر البافاري الشاب , 19 سنه ... ومباراته الاولى بالابطال كـ اساسي ! قدم مستوى ممتاز جدًا .. وكان بالفعل احد نجوم المباراه ..
ومتوقع انه يلعب اساسي كـ ظهير ايسر بالاياب , اذا لعب بادستوبر"الغايب بداعي الايقاف عن الذهاب" .. اذا غاب بوتن او ديمي بالاياب نظرا لاصاباتهم ! ..


مباراة الذهاب كانت بافاريه خالصه , 10 ضد 10 .. و 67 بالميه سيطرة بافاريه على الكره ! ..
هالرقم مخيف جدًا في مباراة نصف نهائي , رقم يخلينا نستغرب ونقول وش كان ليون يسوي بالمباراه ؟ ..
تكتل ليون كان غريب جدًا .. خصوصا اذا عرفنا ان دفاع البافاري هو من اسوء دفاعات اوروبًا .. فعليا ورقميًا ! ..


خلونا نشوف احصائيات البايرن بالابطال .. ومنها الاحصائيه المخيفه بخصوص الدفاع الضعيف البافاري :

- البايرن يعتبر سادس اسوء دفاع بالبطوله .. استقبل 13 هدف ! بـ معدل 1.18 هدف بالمباراه! ..
وحاليًا بوتن وديمي قلوب الدفاع مصابين ومشاركتهم بالاياب فيها شك ! ..
ونشوف ان ليون بالمقابل .. دفاعه يعتبر اقوى دفاع بالبطوله على حد علمي , واعتقد استقبل 7 اهداف فقط او حولها ..
والانديه السيئه دفاعيا بالبطوله واللي قبل البايرن .. كلها طلعت ! يعني البايرن مابين الفرق الاربعه الباقي .. اسوء دفاع ..

- بالمقابل .. البايرن رابع اقوى هجوم , 18 هدف بـ معدل 1.64 هدف بالمباراه ..
وبين الفرق الاربعه الباقيه .. يتقدم عليه برشلونه بـ هدف واحد فقط ..
يتصدر هالقائمه ارسنال ومانشستر بـ معدل 21 هدف .. وطلعوا ! .. ( وجه يقول خلوا اهدافكم تنفعكم )

- السيطرة على الكره .. البايرن هو الثاني بهالشي .. بـ نسبة 58 بالميه ! ..
يتقدمه البرشا , ووراه الانتر , يعني 3 من اربع انديه باقيه .. تعرف كيف تسيطر على الكوره ..
مربع الماسي بـ حق , كرة قدم ممتعه .. كرة قدم جميله قاعدين نشوفها في نصف نهائي الابطال هالسنه ..

- الركنيات .. البايرن يتصدر جميع اندية البطوله بـ عددها ! 86 ركنيه بـ نسبة 7.82 ركنيه بالمباراه ! ..
وراه الريال اللي طلع مبكر من البطوله بالدور الثاني .. ( اعتقد كلمة الدور الثاني ماكان لها داعي .. لان يعني .. متعووده )
>> مدري وش فيني طالب حرش اليوم .. يمكن نشوة نصف النهائي مابعد الـ 9 سنين
وبعد الريال يجي برشلونه بـ معدل 5.36 ركنيه بالمباراه ..

- الشوتات على المرمى .. البايرن الثاني بـ معدل 6.73 شوته بالمباراه ..
من بعد برشلونه اللي يشوت 7.64 شوتة بالمباراه .. وبعده ارسنال اللي طلع ..

- البطاقات الحمرا .. البايرن انجس فريق فيها خخخخ 3 كروت حمرا ..
والكروت الصفرا هو خامس فريق , يتصدرها الانتر .. وبعده سسكا وليون والريال ثم البايرن ..






ديميكلس وفان بوتن اصيبوا في مباراة مونشلادباخ بالبوندزليقا ! ..
ما تدربوا مع الفريق بيوم الاحد .. كانوا يتدلكوووون ..
ممكن يغيبون , ممكن يحضرون ! نتمنى حضورهم بشكل لائق ..
لكن غالبًا والى الآن .. غيابهم محتم , وهم قلوب الدفاع البافاري البافاري الاساسي ..
ومافيه قلب آخر الا بادستوبر الشاب ابو عشرين سنه ! ..
فان قال ممكن يلعب اناتولي تيموتشوك كـ قلب آخر مع بادستوبر ! ..
برانيتش عنده ايقاف , ريبري عنده ايقاف , لذلك على حسب هالظروف .. هذي التشكيله المتوقعه ..

بوت

كونتنتو - بادستوبر - اناتولي - لام

باستيان - بومل

مولر - روبن

اوليتش - قوميز